F  r  a  n  c  i  s  c  i        M  a  u  r  o  l  y  c  i        O  p  e  r  a        M  a  t  h  e  m  a  t  i  c  a
Introduzione Help Pianta Sommario
Archimedis de momentis aequalibus Liber primus 24
<- App. -> <- = ->

[S:97]

PROPOSITIO XXIV.

Gravium inaequalium aequeponderantium maius a minori pendet spatio.

figura 22

Gravia duo A, B, quorum maius A aequiponderent a puncto C: aio quod AC spatium minus est ipso CB spatio: nam si AC, CB spatia sunt aequalia, tunc per 21. huius, pondus A quod maius est, deorsum feretur: quod est contra hypothesim: si autem AC spatium sit maius spatio CB; tunc per praecedentem. A pondus maius a maiori spatio deorsum feretur: quod rursum supposito adversatur: superest ergo ut minus sit omnino spatium AC spatio CB: quod fuit demonstrandum.

Vel sic si AC, CB spatia sunt aequalia: tunc posito gravi BD aequali ipsi A; aequeponderabunt A et BD gravia per 18. huius, et ablato D non aequeponderabunt per 4. postulatum A, B gravia: quod est contra hypothesim: si AC spatium sit maius CB spatio: tunc quoniam A et BD gravia sunt aequalia: iam per 22. huius, A grave deorsum feretur, et eo magis ablato D ipsum B grave sursum feretur: quod est rursum contra hypothesim: omnino igitur AC spatium minus erit ipso CB spatio: quod est propositum.

Inizio della pagina
->