[S:12]

<Propositio> 29^a

1 In tribus triangulis continuatis in ordine triangulorum, congeries extremorum unitate excedit duplum medii.

Exempli gratia, tres capiantur continui trianguli, utputa tertius, quartus et quintus scilicet 6, 10, 15. Aio quod extremorum 6 et 15 <congeries¹> unitate superat duplum medii scilicet ipsius 10. 2 Nam in his quartus triangulus sua radice excedit tertium, hoc est, quaternario; quintus autem quartum quinario, sicut ratio diffinitionis postulat. Minuatur unitas de quinto et superest 14 fietque² ut 6, 10, 14 aequali cremento procedant: scilicet quaternario crescentes. 3 Quare, per praemissam, 6 cum 14 duplum faciunt ipsius 10. Igitur 6 cum 15 unitate duplum praedictum excedent³ et similiter hoc ipsum in omnibus tribus continuatis triangulis ostendam, sicut demonstrandum proponitur.

21	6
	6
	15	14