Propositio 48^a

1 Omnis columna triangula aequalis est aggregato trium pyramidum triangularum, scilicet unius collateralis, et duarum praecedentium.

Exempli gratia, dico quod columna triangula quinta, scilicet 75, aequivalet aggregato trium pyramidum triangularum, scilicet quintae, et duplo quartae. 2 Nam, per praecedentem, columna¹ triangula quinta aequivalet pyramidem quadratam quintam et pyramidem triangulam quartam. Sed, per trigesimam quartam huius, pyramis² quadrata quinta aequivalet pyramidem triangulam quintam et pyramidem triangulam quartam³. 3 Igitur columna triangula quinta valebit pyramidem triangulam quintam, et duas pyramides triangulas quartas; quod fuit demonstrandum. Qui syllogismus sicut hic quinto loco, ita et ubivis inserviet; sicut propositio concludit.

	55 ta 5a	35 la 5a
75 col. la 5a
		20 la 4a
	20 la 4a