[S:34]

Propositio 69^a

1 Omnis pentagonus centralis construitur ex pentagono primi generis collaterali, et ex praecedenti quadrato.

Exempli gratia, pentagonus quintus centralis 51 construitur ex duabus¹ formis primi generis, scilicet pentagono quinto 35 et quadrato quarto 16². Quod sic constat. Per diffinitionem pentagonus quintus primi generis construitur ex quadrato quinto et triangulo quarto. 2 Et per praecedentem, quadratus quintus cum quadrato quarto faciunt quadratum centralem quintum. Quare, pentagonus quintus cum quadrato quarto primi generis valebunt quadratum quintum centralem cum triangulo quarto primi generis. 3 Verum, per diffinitionem, quadratus quintus centralis cum triangulo quarto procreat pentagonum quintum centralem. Ergo pentagonus quintus centralis aequivalebit pentagonum quintum et quadratum quartum primi generis; quod fuit demonstrandum. Quae demonstratio, sicut quinto ita cuilibet proposito³ loco accommodabitur ad confirmandum propositum.

51	35	10
		25	41
	16

51	41
	10