|
Propositio 107a
1 Omnis cubus centralis cum impari collaterali coniunctus, conficit duplum aggregati cuborum primi generis collateralis et praecedentis.
Nam numerus, qui fit ex aggregato radicum duarum, scilicet propositi loci et praecedentis, hoc est, ex impari collaterali in aggregatum quadratorum collateralis et praecedentis, hoc est, in quadratum centralem collateralem, est, per octogesimam nonam huius, gnomon collateralis in quadratis quadratorum. 2 Et per nonagesimam nonam huius, talis gnomon est cubus centralis. [C:75r] Verum talis numerus cum aggregato radicum collateralis et praecedentis, hoc est, cum impari collaterali coniunctus, efficit per praemissam, duplum aggregati cuborum collateralis et praecedentis, hoc est, cuborum ipsarum radicum. Igitur cubus centralis cum impari collaterali coniunctus, facit ipsum tale cuborum duplum; quod est propositum.
|