<Propositio> 16^a

85 Omnis pentagonus constituitur⁶³ ex triangulo et parte altera longiore collateralibus coniunctis.

Nam per diffinitionem ipse, exempli gratia, pentagonus quartus 22 fit ex quadrato quarto et triangulo tertio coniunctis, hoc est ex 16 et 6. 86 Sed per decimam huius, parte altera longior quartus, scilicet 12 cum radice quarta, scilicet 4 conficit quadratum quartum. Et per diffinitionem trianguli, triangulus quartus constat ex triangulo tertio et ex radice quarta. Igitur et pentagonus quartus constituetur ex parte altera longiore quarto, scilicet 12 et ex triangulo quarto scilicet 10; sicut proponitur demonstrandum.

12 16 22 4 | 10 6