[S:12]

<Propositio> 29^a

118 In tribus triangulis continuatis in ordine triangulorum, congeries extremorum unitate excedit duplum medii.

Exempli gratia, tres capiantur continui trianguli, utputa tertius, quartus et quintus scilicet 6, 10, 15. Aio quod extremorum 6 et 15 <congeries⁸⁹> unitate superat duplum medii scilicet ipsius 10. 119 Nam in his quartus triangulus sua radice excedit tertium, hoc est, quaternario; quintus autem quartum quinario, sicut ratio diffinitionis postulat. Minuatur unitas de quinto et superest 14 fietque⁹⁰ ut 6, 10, 14 aequali cremento procedant: scilicet quaternario crescentes. 120 Quare, per praemissam, 6 cum 14 duplum faciunt ipsius 10. Igitur 6 cum 15 unitate duplum praedictum excedent⁹¹ et similiter hoc ipsum in omnibus tribus continuatis triangulis ostendam, sicut demonstrandum proponitur.

21 6 6 15 14