3^a Si conus plano secetur a vertice; sectio triangulum est.

Conus, cuius vertex a basis autem circulus bg plano secetur per punctum a faciente sectiones in superficie quidem lineas ab ag in basi autem lineam bg.

Dico quod triangulum rectilineum est abg.

Ducatur enim a vertice a ad punctum b recta: cadet utique⁴¹ per antepraemissam in ipsa conica superficie: cadet eadem et⁴² in secans planum: cum a b puncta sint in ipso secante plano: igitur communis sectio conicae superficiei et secantis plani ipsa videlicet linea ab recta est: similiter et ag⁴³ recta ostendetur. Recta item et⁴⁴ bg cum sit duorum planorum communis sectio. Triangulum igitur rectilineum est abg quod erat ostendendum.