F  r  a  n  c  i  s  c  i        M  a  u  r  o  l  y  c  i        O  p  e  r  a        M  a  t  h  e  m  a  t  i  c  a
Introduzione Help Pianta Sommario
Emendatio et restitutio Apollonii Pergaei conicorum elementorum Liber secundus 38
<- App. -> <- = ->

37a Si contrapositas linea secet non per centrum; quae a bifaria sectione ipsius ad centrum coniungitur, diameter est contrapositarum: coniugata ei transversae 264, quae a centro ducta aequidistat bifariam sectae.

figura 46

Sint contrapositae sectiones a b. // Quas secet linea gd non per centrum existens. // A cuius bifaria divisione e agatur ad centrum z linea ez. // Et ducatur ab aequidistans ipsi gd.

// Dico iam quod ab ez coniugatae sunt diametri sectionum.

// Coniungatur enim dz et producatur ad h in aliam sectionem, per 31am praemissi. // Item connectatur gh cui265 ab producta coincidat apud k. // Eritque per 30am praemissi dz aequalis ipsi zh cumque de sit aequalis ipsi eg iam per 2am Sexti Euclidis aequidistans erit gh ipsi ez. // Unde ez gk kh invicem aequales266.

// Quare, per 5am huius, tangens sectionem apud a aequidistabit ipsi [A:52r] gh quare et ipsi ez item et ipsi apud b tangenti per 31am, huius.

// Itaque, per 48am praecedentis ab secabit singulas harum aequidistantes in sectionibus bifariam: et perinde sectae ordinate ductae sunt ad ab diametrum. // Igitur ez ordinate ducta est ab ipso centro z.

// Igitur267, per 16am praemissi ez coniugata diametros est ipsi ab transversae diametro.

// Quod fuit demonstrandum.

Inizio della pagina
->