[A:110r] 35^a Si hyperbole alteri contrapositarum ad duo puncta coincidat adversa concavitate: contraposita ipsius non coincidet alteri contrapositarum.

Sint contrapositae abd z. // Hyperbole autem abg coincidat ipsi abd apud a b puncta concavitatibus adversis. // Sit autem ipsius abg contraposita e. // Dico iam quod e sectio non coincidet ipsi z. // Coniungatur enim ab et producatur ad h indefinite. // Quoniam igitur recta abh secat hyperbolen abd iam per 33^am 2ⁱ Conicorum, non coincidet eius contrapositae z. // Et quoniam secat apud eadem duo puncta hyperbolen abg iam per eandem 33^am non coincidet eius contrapositae e. // Quare cum abh¹⁷⁵ feratur inter sectiones z e neutram ipsarum tangens; iam et ipsae z e sectiones minime se invicem contingent. // Quod fuit demonstrandum.