THEOREMA XXVI
85 Perpendicularis in speculum radius in seipsum reflectitur.
86 Cadat258 enim in speculum AB perpendicularis CD259. Aio quod radius, qui a signo D260 reflectitur, est in ipso CD radio. Si enim non est, sed si possibile, reflectatur extra CD, sitque DF, et ponatur ipsi CDF aequalis angulus CDE, producta261 DE, eritque[C:17v] etiam DE ad speculum inclinata, sicut DF. Quare sicut DC262 reflectitur in F, sic reflectetur in E263. Ab uno igitur speculi puncto D, in264 quod signum C radiat, in plura fiet loca reflexio265; quod per tertium266 suppositum est absurdum. Reflexio ergo radii non alibi quam in267 ipsa CD recta consistet.