THEOREMA XXIX

97 A convexo speculo latior lux quam a plano, sed debilior reflectitur.

98 Esto convexum speculum AB, in quod a signo C radiant CA, CB radii, et in signa D, E reflectantur³³³. Aio quod lux reflexa, quae intra ipsos AD, BE radios comprehenditur³³⁴, latior est quam si a plano speculo reflecteretur. Intelligatur enim per ipsa A, B³³⁵ signa planum speculum FG, in quod ipsa AC, CB³³⁶ linearum superficies recta [S:24] sit. Quo fiet ut ipsi CA, CB radii in ipsum FG speculum incidentes in ipso quoque linearum CA, CB plano reflectantur. CA[C:20v] igitur a plano speculo reflectetur intra ipsas AD et BE³³⁷. Angulus enim CAB rectilineus³³⁸ maior est angulo DAF.³³⁹ Similiter CB reflectetur a plano speculo intra ipsas AD, BE lineas.^{340 341} Reflectatur ergo CA in H, et CB³⁴² in K signum. Eritque lux intra ipsas AD, BE lineas contenta quae a convexo speculo, latior luce intra ipsas AH, BK contenta quae a plano speculo reflectitur³⁴³. Quod autem debilior sit, patet per secundum suppositum, quandoquidem radii sunt rariores³⁴⁴ ab eadem luce.