Liber IV

 

D.IV.1

Figura rectilinea in figura rectilinea describi dicitur, quando unusquisque inscriptae figurae angulus unumquodque latus eius in qua describitur tangit.

D.IV.2

Figura autem similiter circa figuram describi dicitur quando unumquodque latus circunscriptae unumquenque angulum(ATT.NE: NEL TESTO ANGUULM) eius circum quam describitur tangit.

D.IV.3

Figura rectilinea in circulo describi dicitur quando unusquisque angulus inscriptae circuli circunferentiam tangit.

D.IV.4

Figura vero rectilinea circa circulum describi dicitur quando unumquodque latus circunscriptae circuli circunferentiam tangit.

D.IV.5

Circulus autem in figura rectilinea describi dicitur quando circuli circunferentia unumquodque latus eius in qua describitur tangit.

D.IV.6

Circulus vero circa figuram rectilineam describi dicitur quando circuli circunferentia unumquenque eius circum quam describitur angulum tangit.

D.IV.7

Recta linea in circulo congruere dicitur quando eius extrema in circuli circunferentiam cadunt.

IV.1

In dato circulo datae rectae lineae minime maiori circuli diametro existenti, aequalem rectam lineam coaptare.

IV.2

In dato circulo, dato triangulo aequiangulum triangulum describere.

IV.3

Circa datum circulum, dato triangulo aequiangulum triangulum describere.

IV.4

In dato triangulo circulum describere.

IV.5

Circa datum triangulum circulum describere.

Cor.IV.5

Et manifestum est quod quando introrsum trianguli cadit centrum circuli, angulus .bac. existens in maiori circuli segmento recto minor est. Quando autem in .bc. recta linea in semicirculo existens angulus rectus est. Quando vero in ipsam .bc. rectam lineam centrum cadit, angulus .bac. existens in minore circuli segmento recto maior est. Quare et quando minor recto contigit datus angulus introrsus ipsius trianguli concurrunt .df. et .ef. rectae lineae; quando autem rectus super .bc., quando vero maior recto extra ipsam .bc. quod fecisse oportuit.

IV.6

In dato circulo quadratum describere.

IV.7

Circa datum circulum quadratum describere.

IV.8

In dato quadrato circulum describere.

IV.9

Circa datum quadratum circulum describere.

IV.10

Isosceles triangulum constituere habens unumquemque eorum qui ad basim sunt angulorum duplum reliqui.

IV.11

In dato circulo pentagonum aequilaterum et aequiangulum describere.

IV.12

Circa datum circulum pentagonum aequilaterum et aequiangulum describere.

IV.13

In dato pentagono aequilatero et aequiangulo circulum describere.

IV.14

Circa datum pentagonum aequilaterum et aequiangulum circulum describere.

IV.15

In dato circulo hexagonum aequilaterum et aequiangulum describere.

Cor.IV.15

Hinc manifestum est quod hexagoni latus ei quae est ex centro circuli est aequale, et si per signa .abcden. circulum tangentes ducamus rectas lineas describetur circa circulum hexagonum aequilaterum et aequiangulum. Consequenter ex praedictis in pentagono et insuper per ea quae similiter in pentagono dicta sunt in dato hexagono circulum describemus et circunscribemus quod facere oportebat.

IV.16

In dato circulo quintidecagonum aequilaterum et aequiangulum describere.

Haut de la page

jpl2h.py liber04-mod.tex : 13-06-05