Liber IX

 

IX.1

Si bini similes plani numeri sese invicem multiplicantes aliquem fecerint, factus ex eis quadratus erit.

IX.2

Si bini numeri invicem sese multiplicantes quadratum fecerint, similes plani sunt.

IX.3

Si cubus numerus se ipsum multiplicans aliquem fecerit factus cubus erit.

IX.4

Si cubus numerus cubum numerum multiplicans aliquem fecerit, factus cubus erit.

IX.5

Si cubus numerus numerum aliquem multiplicans cubum fecerit et multiplicatus cubus erit.

IX.6

[S]i numerus se ipsum multiplicans cubum fecerit, et ipse cubus erit.

IX.7

Si compositus numerus numerum aliquem multiplicans aliquem fecerit, factus solidus erit.

IX.8

Si ab unitate quilibet numeri ordine proportionales fuerint, tertius ab unitate quadratus est et unum relinquentes omnes quartus autem cubus et binos relinquentes omnes septimus vero cubus simul et quadratus et quinque relinquentes omnes.

IX.9

Si ab unitate quilibet numeri consequenter proportionales fuerint, qui vero post unitatem quadratus fuerit et reliqui omnes quadrati (ATTENZIONE NEL TESTO quaquadrati) erunt, et si qui post unitatem cubus fuerit, et reliqui omnes cubi erunt.

IX.10

Si ab unitate quilibet numeri ordinatim proportionales fuerint qui vero post unitatem non fuerit quadratus, neque alius ullus quadratus erit, excepto tertio ab unitate et unum relinquentes omnes; et si qui post unitatem cubus non fuerit, neque alius ullus cubus erit, excepto quarto ab unitate et binos relinquentes omnes.

IX. 11

Si ab unitate quilibet numeri continue proportionales fuerint, minor maiorem metitur pro aliquem preexistentem in proportionalibus numeris.

IX.12

Si ab unitate quilibet numeri continue proportionales fuerint quot primorum numerorum ultimum metietur, tot et eum qui apud unitatem est metientur.

IX.13

Si ab unitate quilibet numeri ordinatim proportionales fuerint, qui vero post unitatem primus fuerit maximum nullus alius metietur preter preexistentes in proportionalibus numeris.

IX.14

Si minimum numerum primi numeri mensi fuerint, nullus alius primus numerus ipsum metietur preter eos qui in principio metiuntur.

IX.15

Si tres numeri continue proportionales fuerint minimi eandem eis habentium rationem bini quilibet compositi ad reliquum primi erunt.

IX.16

[S]i bini numeri primi ad invicem fuerint non erit sicut primus ad secundum, sic secundus ad aliquem alium.

IX.17

Si fuerint quilibet numeri continue proportionales ipsorum autem extremi primi ad invicem fuerint, non erit sicut primus ad secundum sic ultimus ad aliquem alium.

IX.18

Binis numeris datis, considerare si possibile est eis tertium proportionalem invenire.

IX.19

Tribus numeris datis, considerare si est possibile eis quartum invenire proportionalem.

IX.20

Primi numeri plures sunt omni proposita multitudine primorum numerorum.

IX.21

Si pares numeri quilibet componantur, totus par est.

IX.22

[S]i impares numeri quilibet componantur, fuerit autem multitudo par, totus par erit.

IX.23

Si impares numeri quilibet componantur, multitudo autem ipsorum fuerit impar, et totus impar erit.

IX.24

Si a pari numero par auferatur, reliquus par erit.

IX.25

Si a pari numero impar auferatur, reliquus impar erit.

IX.26

Si ab impari numero impar auferatur, reliquus par erit.

IX.27

Si ab impari numero par auferatur, reliquus impar erit.

IX.28

Si impar numerus parem multiplicans aliquem fecerit qui gignitur par est.

IX.29

Si impar numerus imparem numerum multiplicans fecerit aliquem, factus impar erit.

IX.30

Si impar numerus parem numerum mensus fuerit et eius dimidium metietur.

IX.31

Si impar numerus ad numerum aliquem primus fuerit et ad ipsius duplum primus erit.

IX.32

A binario duplorum unusquisque pariter par est tantum.

IX.33

Si numerus dimidium impar habuerit, pariter impar est tantum.

IX.34

Si numerus neque a binario fuerit duplus neque dimidium impar habuerit, pariter par est et pariter impar.

IX.35

Si fuerint quilibet numeri continue proportionales auferantur autem a secundo et ultimo aequales ipsi primo, erit sicut secundi excessus ad primum sic ultimi excessus ad omnes se ipsum precedentes.

IX.36

Si ab unitate quilibet numeri continue expositi fuerint in duplici proportione ex quo totus compositus primus fuerit, et totus in ultimum multiplicatus aliquem fecerit qui gignitur perfectus erit.

Haut de la page

jpl2h.py liber09-mod.tex : 13-06-05