[S:123v] Philosophiae Divisio

1 Philosophia est divinarum humanarumque rerum cognitio: et est quincuplex videlicet:Metaphysica idest supernaturalis; Physica idest naturalis; Aethica idest moralis; Mathematica idest disciplinabilis; Logica idest sermocinalis. 2 Metaphysica agit de prima causa, de primo ente, de intelligentiist et comprehendit Theologiam idest de deo sermonem. Physica de natura coelorum, elementorumorum et eorum quae ab elementis fiunt. Aethica est triplex: monastica idest solitaria, oeconomica idest domestica lex, politica idest civilis: sub qua leges et iura continentur. Mathematica idest disciplinabilis comprehendit arithmeticam, geometriam, musicam et astronomiam. Logica continet grammaticam, rhetoricam, dialecticam.

3 Arithmetica idest numeraria agit de numerorum quantitatibus commensurationibus rationibus et formis. Geometria idest terrae mensura de quantitatibus continuis [S:124r] et earum formis et rationibus. Musica de vocum rationibus et qualitatibus. Astrologia idest astrorum sermo de astrorum motibus, distantiis <et¹> magnitudinibus.

4 Grammatica idest literaria de literis scriptura et loquela. Rhetorica de ornata locutione. Dialectica de sermonis veritate.

5 Sub geometria comprehenduntur Optica idest prospectiva, Photismi idest radiationes, Catoptrica idest specularia. Diaphana idest transparentia. Isorrhopa idest aequi ponderantia. Geographia idest mundi descriptio.