14^a non tangentes¹²⁹ et hyperbole in infinitum protractae propius, propiusque sibi ipsis approximant¹³⁰: et omni dato spatio ad minus perveniunt spatium.

Sit hyperbole ht. // Nontangentes ba ag. // Datum spatium c.

// Dico iam, quod ab ag et sectio, magis magisque sibi continuatae¹³¹ adducuntur: et ad minus, quam c quantumvis exiguum spatium perveniunt.

// Ducantur enim penes tangentem lineae etz ghd et coniungatur at et producatur ad x.

// Et quoniam per 10^am huius, ghd aequale est etz ideo per 15^am Sexti Euclidis sicut dh tz sic et gh.

// Maior autem dh quam tz ergo et maior et quam gh.

// Similiter demonstrabimus quod spatia exteriora semper minora magis, magisque fiunt; donec relinquatur spatium ipso c minus.

// Capiatur enim ex ipsa et spatium el ipso c minus: et penes ipsam ag ducatur ln quae per praecedentem, coincidit sectioni.

// Coincidat apud n et agatur penes ez linea mnb. // Eritque per 34^am primi Euclidis mn aequalis el et perinde minor spatio dato c. // Approximavit igitur ag non tangens¹³² sectioni ad minus, quam c spatium. // Verum itaque fuit quidquid proponebatur demonstrandum.