43^a Si unam ex contrapositis ad coniunctionem linea secet ad duo puncta: per centrum autem duae, una scilicet ad mediam secantem²⁸⁷; altera vero penes secantem ducatur²⁸⁸; ductae coniugatae diametri contrapositarum erunt.

[S:72] Sint ad coniunctionem contrapositae sectiones a b g d. // Ipsamque a secet apud ez linea quaedam. // Quae apud h bifariam secetur. // Sitque centrum t. // Et coniungatur th. // Et ipsi ez aequidistans ducatur gt.

// Dico iam quod at tg coniugatae sunt sectionum diametri.

// Nam cum diameter sit at secetque per medium ipsam ez iam per 5^am huius, tangens apud a aequidistans erit ipsi ez et perinde²⁸⁹ ipsi gt. // Itaque cum in contrapositis ad coniunctionem, per centrum t duae agantur lineae, una per tactum a scilicet at altera tg penes tangentem apud a. // Iam per 20^am huius, ipsae gt ta sunt coniugatae sectionum diametri. // Quod erat demonstrandum.